Aay Sham Kay Logo Mai Bint e Ali Hun Nohay Lyrics

Mai Bint e Ali hun (x3)

Ai Sham k logo mai Bint e Ali hun (x3)

Mai waris e tat’heer hun (x2)

Namoos e Nabi hun

Ai Sham k logo mai Bint e Ali hun (x2)

Bazar say darbar may lay i hu muj ko

Chahun tu jala sakti hun khutbun say mai tum ko

Sabir ki behan hun jo mai khamosh khari hun

Ai Sham k logo mai Bint e Ali hun (x2)

Afsos kaneezi may usay maang rahay hu

Tum jis k ghulumun ki ghulami may rahay hu

Ye zulm na hu ga kbhi mai zinda abhi hun

Ai Sham k logo mai Bint e Ali hun (x2)

Tum apnay Piaembar ko ager dekhna chaho

Nezay pay jo ye sir hai isay ghaur say dekho

Hum shakal Piaembar hai ye Mai is ki Phupi hun

Ai Sham k logo mai Bint e Ali hun (x2)

Or is say kathan waqt kia hu ga meray Maa’bud

Fizza k tarf’dar hain darbar may maujud

Mai pusht pay Fizza k khari dekh rahi hun

Ai Sham k logo mai Bint e Ali hun (x2)

Zahra ko bhi darbar may tum nay tha bulaya

Darbar may mai bhi hun magar farq hai itna

Perday may thee Wo or mai bay’perdah khari hun

Ai Sham k logo mai Bint e Ali hun (x2)

Zanjirun may jakra jo ye bemar khara hai

Sajda isay Kaa’bay ki fasilun nay kia hai

Mansab may berra wo hai Mai rishtay may barri hun

Ai Sham k logo mai Bint e Ali hun (x2)

Zinda tha tu der der k hamaysha he laray hu

Ab sir hai tu hontun pe charri maar rahay hu

Tum kitnay bahadur hu Mai ye dekh rahi hun

Ai Sham k logo mai bint e Ali hun (x2)

Honay lagi darbar may mushtarka azanain

Rehan idher naam e Nabi gonja fiza may

BiBi nay kaha fakhr say

Mai jeet gai hun (x4)